Зяленскі заявіў, што гатовы разгледзець вяртанне Крыма неваенным шляхам
Прэзідэнт Украіны Уладзімір Зяленскі ў інтэрв'ю Financial Times заявіў, што «будзе толькі за», калі хтосьці прапануе Кіеву спосаб вяртання Крыма ў склад краіны неваенным шляхам.
25.11.2022 / 08:27
«Я разумею, што ўсё заклапочаны сітуацыяй і тым, што будзе з Крымам», — сказаў ён, адзначыўшы, што, калі прапанаванае Украіне рашэнне прадугледжвае, што паўвостраў застанецца ў складзе Расіі, «на гэта не варта марнаваць свой час».
Паводле слоў украінскага лідара, узброены канфлікт не завершыцца да таго часу, пакуль краіна не верне сабе страчаныя тэрыторыі, у адваротным выпадку аднаўленне баявых дзеянняў будзе пытаннем часу.
У жніўні Зяленскі казаў, што Украіна гатовая вяртаць Крым «любымі сродкамі, якія палічыць правільнымі». Кіраўнік акупацыйнай адміністрацыі Крыма Сяргей Аксёнаў у адказ заявіў, што паўвостраў ніколі не перастане быць часткай Расіі.