Mierkiel: Pierad sychodam u adstaŭku ja sprabavała stvaryć novy farmat pieramoŭ z Pucinym
Pačatak vajny va Ukrainie nie staŭ niečakanym dla byłoj kanclerki Hiermanii Anhieły Mierkiel. Jana skazała pra heta ŭ intervju vydańniu Der Spiegel.
24.11.2022 / 23:34
Fota: Peter Rigaud / DER SPIEGEL
«Heta nie stała niečakanaściu. Minskija pahadnieńni byli źniščanyja. Uletku 2021 hoda, paśla sustrečy prezidentaŭ Bajdena i Pucina, ja chacieła znoŭ stvaryć asobny jeŭrapiejski farmat pieramoŭ z Pucinym razam z Emaniuelem Makronam u Radzie ES. Niekatoryja vystupali suprać hetaha, i ŭ mianie bolš nie było sił nastojvać, tamu što ŭsie pra mianie dumali: «Vosieńniu jana sydzie», — skazała Mierkiel.
Pa słovach Mierkiel, u palitycy pavinny byli źjavicca novyja padychody.
«Z punktu hledžańnia źniešniaj palityki ja pad kaniec nie prasunułasia ani na milimietr <…>. Nie tolki ŭ dačynieńni da Ukrainy. Prydniastroŭje i Małdova, Hruzija i Abchazija, Siryja i Livija. Pryjšoŭ čas dla novaha padychodu», — dadała jana.
Jana taksama adznačyła, što Minskija pahadnieńni dazvolili Ukrainie vyjhrać čas.