MNS: U Minsku da 2 śniežnia budzie tryvožna
Da 2 śniežnia MNS praviadzie płanavuju pravierku sistemy apaviaščeńnia ŭ Minsku. Infarmacyja pra heta raźmieščanaja ŭ telehram-kanale viedamstva. Padčas pravierki ŭ stalicy buduć paetapna ŭklučacca elektrasireny i sistemy hučnaj suviazi.
21.11.2022 / 19:35
Sistema apaviaščeńnia, jak udakładniaje pres-słužba MNS, patrebnaja dla taho, kab infarmavać haradžan pra pahrozu ŭźniknieńnia abo ŭźniknieńnie nadzvyčajnych situacyj. Taksama jana tłumačyć praviły pavodzin hramadzian padčas likvidacyi nastupstvaŭ nadzvyčajnaj situacyi.
Pravierka sistemy pravodzicca štohod, tamu viedamstva zaklikaje minčan z razumieńniem stavicca da takich mierapryjemstvaŭ.