Palitviaźnia Arsienija Čyžyka asudzili na 2,5 hoda kałonii pa «spravie Zielcera»
U Homielskim abłasnym sudzie asudzili palitźniavolenaha Arsienija Čyžyka pavodle č. 1 art. 130 Kryminalnaha kodeksa (raspalvańnie inšaj sacyjalnaj varožaści) i pryznačyli jamu 2 hady i 6 miesiacaŭ pazbaŭleńnia voli ŭ kałonii va ŭmovach ahulnaha režymu. Spravu razhladaŭ suddzia Rusłan Caruk, piša «Viasna».
21.11.2022 / 17:22
Arsienija Čyžyka zatrymali ŭ Homieli pa kryminalnaj spravie, zaviedzienaj za kamientary ŭ internecie paśla hibieli ŭ minskaj kvatery supracoŭnika KDB Dźmitryja Fiedasiuka i IT-śpiecyjalista Andreja Zielcera.
Pieršapačatkova Arsienij prachodziŭ pa kryminalnaj spravie pavodle dvuch artykułaŭ: 369 KK (abraza pradstaŭnika ŭłady) i 130 KK (raspalvańnie sacyjalnaj varožaści). Jak vynikaje z prysudu, adzin ź ich paźniej źniali.