Ministr enierhietyki: Budaŭniča-mantažnaja hatoŭnaść druhoha błoka AES — 96%. Paŭtara miesiaca tamu było 97%
Ministr enierhietyki Biełarusi Viktar Karankievič ŭ kułuarach mižnarodnaha forumu «Atamekspa» ŭ rasijskim Sočy raskazaŭ pra toje, jak idzie budaŭnictva druhoha enierhabłoka BiełAES, paviedamlaje BiełTA. I nazvaŭ pracent hatoŭnaści, jaki nižejšy za nazyvany raniej.
21.11.2022 / 17:17
Pavodle ministra, na druhim enierhabłoku «pravodziacca puskanaładačnyja raboty. Budaŭniča-mantažnaja hatoŭnaść — bolš za 96 %. Rabota pravodzicca ŭ strohaj adpaviednaści z pryniatymi prahramami i pastaŭlenymi zadačami».
Pry hetym bolš za miesiac tamu, paśla adkryćcia Biełaruskaha enierhietyčnaha i ekałahičnaha forumu 11 kastryčnika, Karankievič aceńvaŭ stan hatoŭnaści druhoha enierhabłoka AES vyšej — u 97 %.
Pra dakładnyja terminy ŭvodu druhoha enierhabłoka ŭ ekspłuatacyju jon ničoha nie skazaŭ ni tady, ni ciapier.