«Крэмулятар» Сашы Філіпенкі пераклалі на нямецкую мову
Раман Сашы Філіпенкі цяпер мае нямецкую версію. Пра гэта на сваёй старонцы ў фэйсбуку паведаміў сам аўтар.
21.11.2022 / 16:48
«У «Крэмулятара» ёсць першы пераклад — нямецкі! Раман выйдзе ў Нямеччыне, у Швейцарыі і ў Аўстрыі ўжо ў лютым», — напісаў Саша Філіпенка.
Пераклад рамана з рускай мовы зрабіла Рут Альтэнхофер.
Выхад кнігі запланаваны на люты 2023 года ў выдавецтве «Diogenes», якое базіруецца ў Цюрыху, гэта адно з найбуйнейшых незалежных выдавецтваў мастацкай літаратуры ў Еўропе. Таксама на сайце выдавецтва пазначана, што можна зрабіць перадзамову на кнігу, пачынаючы з 23 студзеня 2023 года.
«Крэмулятар» — раман Сашы Філіпенкі пра Маскоўскі крэматорый.