На вайне ва Украіне Расія страціла больш за 8 тысяч адзінак вайсковай тэхнікі
Даныя, сабраныя праектам Oryx і пацверджаныя фота— і відэаматэрыяламі, сведчаць, што 4 927 адзінак тэхнікі было знішчана, пашкоджана — 198, кінута — 300, захоплена — 2 619.
21.11.2022 / 08:40
Сярод страт Расіі:
— 1504 танкі (862 з іх былі знішчаныя, 522 захопленыя);
— 718 баявых браніраваных машын (439 знішчаныя, 245 захопленыя);
— 1748 баявых машын пяхоты (1078 знішчаныя, 553 захопленыя);
— 154 рэактыўныя сістэмы залпавага агню;
— 80 зенітных ракетных комплексаў.
Пры гэтым, па звестках Oryx, Украіна страціла 2289 адзінак тэхнікі, з якіх знішчана 1372, пашкоджана — 94, кінута — 60, захоплена — 762.
Oryx лічыць страты тэхнікай выключна па фота— і відэадоказах. Тую тэхніку, якую не зафіксавалі на кадрах, яны не ўлічваюць.