Mask adnaviŭ akaŭnt Trampa ŭ Twitter pa vynikach apytańnia
Raniej u Twitter-akaŭncie Maska zaviaršyłasia hałasavańnie nakont razbłakiroŭki staronki Trampa, 52% udzielnikaŭ vykazalisia «za».
20.11.2022 / 09:12
Svaje hałasy addali bolš za 15 miljonaŭ karystalnikaŭ, a ŭbačyli apytańnie 134 miljony, udakładniŭ Mask. Taksama pad apytańniem pradprymalnik pakinuŭ tvit z łacinskaj frazaj Voz Populi, Vox Dei — «Hołas naroda — hołas Božy». Jaje ž jon napisaŭ u tvicie, u jakim abviaściŭ ab płanach razbłakiravać akaŭnt Trampa.
Niezadoŭha da zakančeńnia apytańnia Mask paviedamiŭ pra napad na jaho «armii botaŭ i trolaŭ».
«Niekalki cikavych urokaŭ dla čystki budučych apytańniaŭ», — dadaŭ pradprymalnik.
Reuters piša, što sam Tramp nie ŭbačyŭ «nijakich pryčyn» viartańnia ŭ sacsietku.
Sacsietka nazaŭždy zabłakiravała akaŭnt tady jašče dziejučaha prezidenta ŭ studzieni 2021-ha hoda, paśla šturmu Kapitołija, «z-za ryzyki dalejšaha padbuchtorvańnia da hvałtu». U Trampa było amal 90 miljonaŭ padpisčykaŭ.