Brytanski premjer Ryšy Sunak padčas vizitu ŭ Kijeŭ sustreŭsia z sabakam Patronam
Fota sustrečy ŭ Kijevie premjera Brytanii i znakamitaha sabaki apublikavała pasoł Brytanii va Ukrainie. Patron — talisman čarnihaŭskich piratechnikaŭ.
19.11.2022 / 20:41
Raniej Patron sustrakaŭsia z premjer-ministram Kanady Džaścinam Trudo, atrymaŭ ad Uładzimira Zialenskaha miedal «Za samaaddanuju słužbu», atrymaŭ premiju na Kanskim fiestyvali («Palmavy sabaka» — heta samaja prestyžnaja ŭ śviecie kinapremija, jakoj uznaharodžvajuć čatyrochłapych).
Siońnia premjer-ministr Vialikabrytanii Ryšy Sunak pryjechaŭ va Ukrainu i sustreŭsia z Uładzimiram Zialenskim. Heta pieršy vizit Ryšy Sunaka na pasadzie kiraŭnika brytanskaha ŭrada.