Pad Bierlinam ekaaktyvisty prykleili siabie da aŭtamahistrali i spravakavali kiłamietrovy zator FOTA
Ekaaktyvisty prykleili siabie da aŭtamahistrali, jakaja viadzie da Bierlinskaha aeraporta, spravakavaŭšy kiłamietrovy zator, paviedamlaje Bild.
18.11.2022 / 15:19
Fota: Bild
Siońnia ranicaj niekalki aktyvistaŭ z hrupy «Apošniaje pakaleńnie» prykleili siabie da aŭtamahistrali, jakaja viadzie da Bierlinskaha aeraporta. U vyniku na padjeździe da jaho ŭtvaryŭsia kiłamietrovy zator, niekatoryja jaho ŭdzielniki, vierahodna, prapuścili svaje rejsy.
«Heta tolki pačatak», — napisali ŭ tvitary ekaaktyvisty z nahody siońniašniaha pratestu. Padčas akcyi jany zaklikali kiroŭcaŭ abmiežavać chutkaść na darohach, kab paźbiehnuć škodnych vykidaŭ u atmasfieru, pa mahčymaści vykarystoŭvać karšerynh, a lepš — naohuł pierasieści na hramadski transpart. Adsiul vyciakaje jašče adno patrabavańnie aktyvistaŭ, adrasavanaje da ŭrada Hiermanii, — źnizić ceny na prajezd u mietro, u tramvajach i aŭtobusach.