69-hadovuju piensijanierku asudzili da 2 hadoŭ kałonii i ŭziali pad vartu ŭ zale suda
U sudzie Miorskaha rajona byŭ ahučany prysud 69-hadovaj byłoj nastaŭnicy biełaruskaj movy i litaratury Emie Ściepulonak. Piensijanierku ŭtrymlivali za kratami amal hod, ale ŭ siaredzinie vieraśnia žančynie źmianili mieru strymańnia i pieraviali na chatni aryšt.
18.11.2022 / 15:04
Emu Antonaŭnu abvinavacili pavodle dvuch artykułaŭ Kryminalnaha kodeksa: art. 368 (abraza Łukašenki) i art. 369 (abraza pradstaŭnika ŭłady).
Suddzia Iryna Jaskievič pryznačyła palitźniavolenaj 2 hady pazbaŭleńnia voli va ŭmovach ahulnaha režymu. Jaje ŭziali pad vartu ŭ zale suda. U źniavoleńni joj zastałosia adbyć prykładna 4 miesiacy, piša «Viasna».
U pieršy dzień suda žančynie stała drenna: u jaje padniaŭsia cisk. Tamu Emie Antonaŭnie vyklikali chutkuju dapamohu.