Дудару Дзянісу Шматко трэба дапамога на лячэнне
Музыку гурта Lity Taler, дудару Дзянісу Шматко паставілі дыягназ «тромб падпахавай вены». Яму патрэбная дапамога, каб прайсці курс лячэння і рэабілітацыі. Пра гэта паведамляецца на старонцы гурта ў Facebook.
18.11.2022 / 14:59
«Гэты чалавечак шмат каму дапамог, а цяпер патрабуе дапамогі сам», — пішуць пра Дзяніса ўдзельнікі гурта.
У жніўні 2021 г. Дзяніс вымушаны быў з’ехаць з Беларусі. Цяпер ён жыве ў Варшаве, працягвае займацца музычнай дзейнасцю.
«Калі не вылечыць захворванне — наступствы могуць застацца на ўсё жыццё. Магчыма, давядзецца перастаць іграць на дудзе, чаго мне вельмі не хацелася б.
Мая задача цяпер — вылечыцца. Я не ведаю, колькі будзе каштаваць поўны курс лячэння, і на колькі ён расцягнецца. Спадзяюся, што сродкаў хопіць для поўнай рэабілітацыі. Буду вельмі ўдзячны кожнаму за падтрымку!» — напісаў сам музыка.
Падрабязная інфармацыя, як дапамагчы Дзянісу, — па спасылцы.