Следчыя са Швецыі знайшлі на месцы ўзрываў «Паўночных патокаў» сляды выбухоўкі
На месцы ўзрываў на газаправодах сістэмы «Паўночны паток» выявілі пабочныя прадметы і сляды выбухоўкі. Пра гэта заявіла Служба дзяржаўнай бяспекі Швецыі.
18.11.2022 / 11:52
Фота: Danska Försvaret/TT
Удзельнікі расследавання пацвердзілі, што на газаправодах сістэмы «Паўночны паток» адбылася сур'ёзная дыверсія. Акрамя таго, падчас агляду месца здарэння былі задакументаваныя сам раён і шырокія пашкоджанні газаправодаў у выніку ўзрываў. Расследаванне працягваецца.
Раней паліцыя Швецыі, якая абследавала месца ўцечкі, заявіла, што газаправоды былі пашкоджаныя ў выніку выбухаў.