Ва Украіне знайшлі 720 тон замарожанага беларускага мяса

Дзяржаўнае бюро расследаванняў Украіны знайшло на Адэскай мытні 720 тон замарожанага беларускага мяса. Яно было ў 36 рэфрыжэратарах і захоўвалася там некалькі месяцаў.

16.11.2022 / 16:41

Аказалася, што прадукцыю завезлі на тэрыторыю Украіны ў рэжыме «транзіт» яшчэ да 24 лютага і ўжо планавалі для перапраўкі далей за мяжу.

Аднак, пасля пачатку шырокамаштабнай агрэсіі Расіі, рэфрыжэратары засталіся на мытні і іх далейшы рух быў заблакаваны. Увесь гэты час тавар захоўваўся на прыватным тэрмінале. 

Прыкладны кошт мяса — больш за 3,6 млн даляраў.

Цяпер мяса канфіскавана. Пасля завяршэння экспертызы на якасць яно будзе накіравана на патрэбы Узброеных сіл Украіны, гаворыцца ў паведамленні ДБР.

Nashaniva.com