Kolki kaštuje bombier ad brenda Łukašenki?
U kancy vieraśnia pad kryłom Alaksandra Łukašenki byŭ stvorany brend Lepshy. Jon vypuskaje spartyŭnaje adzieńnie premium-kłasa, kramu adkryli ŭ handlovym centry na Niamizie. Voś kolki kaštuje bombier adtul.
20.11.2022 / 19:18
Fota: instahram mierča
Padarunkam pachvaliŭsia u tyktoku błohier z Homiela Ihar Kuryłovič, jaki atrymaŭ bombier ad Łukašenki za ŭdzieł u spabornictvie pa siačeńni droŭ. Jon pakazvaje etykietku i kaža, što cana takoha bombiera — 580 rubloŭ.
Za brend Lepshy adkazvaje sienatar i były kiraŭnik Fiederacyi chakieja Dźmitryj Baskaŭ. Siarod partnioraŭ — chakiejny kłub «Dynama-Minsk».
Raniej «Naša Niva» pisała pra hramatyčny kazus z nazvaj. Vierahodna, stvaralniki brenda chacieli vykarystać prymietnik u najvyšejšaj stupieni paraŭnańnia, to-bok nazvać novy praŭładny mierč najlepšym — samym lepšym z usich mahčymych. Ale pamylilisia i vykarystali vyšejšuju stupień paraŭnańnia, jakaja abaznačaje, što Lepshy — heta ŭsiaho tolki tavar, lepšy za niešta inšaje, ale zusim nie vyklučny ŭ svajoj halinie.