Kreml nie pamianiaŭ mapu na svaim sajcie paśla dałučeńnia akupavanych terytoryj
Praz paŭtara miesiaca paśla ŭračystaha «dałučeńnia» «DNR» i «ŁNR», Chiersonskaja i Zaparožskaja vobłaści tak i nie źjavilisia na mapie, apublikavanaj na sajcie Kramla, zaŭvažyła «Ahientstvo». Niama abnaŭleńniaŭ i na mapach, apublikavanych na aficyjnych sajtach urada i Savieta Fiederacyi.
12.11.2022 / 19:48
Na ŭsich mapach — 85 subjektaŭ, jak i było da vieraśnia hetaha hoda. Pry hetym u pieraliku rehijonaŭ, raźmieščanych pobač z kartami, anieksavanyja rehijony zhadvajucca.
U 2014 hodzie, kali dałučali Krym, mapa na sajcie Kramla abnaviłasia praz try dni paśla taho, jak Pucin padpisaŭ usie dakumienty. Tady ž pamianiaŭ kartu na svaim sajcie i Saviet Fiederacyi.
Z momantu «dałučeńnia» čatyroch rehijonaŭ ich pamier pad kantrolem Rasii ŭžo skaraciŭsia.
Na nastupny dzień paśla ŭračystaj cyrymonii ŭ Kramli byŭ zdadzieny Liman. A na hetym tydni Rasija syšła z pravaha bieraha Dniapra, pakinuŭšy ŭ tym liku Chierson — adziny abłasny centr, zaniaty paśla 24 lutaha.
Paśla adstupleńnia z pravaha bieraha Dniapra Rasija pazbaviłasia kantrolu nad 4,9 tys. kv km, śviedčać padliki «Ahientstva». Paśla hetaha ŭ Rasiii zastajecca blizu 65 tysiač kv km anieksavanaj va Ukrainy terytoryi.