Pacviardžajecca infarmacyja, što Rasija vyvozić nasielnictva z prybiarežnych zon na levym bierazie Dniapra Chiersonskaj vobłaści
Akupacyjnaja administracyja Kachoŭskaha rajona Chiersonskaj vobłaści abviaściła ab evakuacyi svaich supracoŭnikaŭ. Jany pakidajuć 15-kiłamietrovuju zonu na levym bierazie Dniapra, paviedamiŭ pryznačany Rasijaj kiraŭnik administracyi Pavieł Filipčuk.
12.11.2022 / 17:53
Manumient u Kachoŭcy. Fota: Vikipiedyja
«Siońnia administracyja zjaŭlajecca abjektam numar adzin dla terarystyčnych napadaŭ USU. Tamu pa rasparadžeńni ŭrada Chiersonskaj vobłaści my, jak orhan ułady, pieramiaščajemsia na bolš biaśpiečnuju terytoryju, adkul budziem ažyćciaŭlać kiraŭnictva akruhaj», — havorycca ŭ paviedamleńni, apublikavanym u tielehram-kanale administracyi.
Filipčuk zajaviŭ, što ŭ 15-kiłamietrovaj zonie na levym bierazie Dniapra mahčymyja bajavyja dziejańni. «Z kožnym dniom stanovicca ŭsio bolšaj prysutnaść vajskoŭcaŭ. Heta pryciahvaje ŭvahu USU. Na hetaj terytoryi stvarajucca peŭnyja vajennyja zbudavańni i ŭmacavańni», — skazaŭ jon.
31 kastryčnika akupacyjnyja ŭłady Chiersonskaj vobłaści abviaścili pra evakuacyju nasielenych punktaŭ u 15-kiłamietrovaj zonie na levym baku Dniapra, u tym liku z Kachoŭskaha rajona.