Łukašenka: Praz 10-15 hadoŭ viosak nie budzie, zastanucca tolki ahraharadki
Praz 10-15 hadoŭ viosak nie budzie, zastanucca tolki ahraharadki. Pra heta Alaksandr Łukašenka zajaviŭ na respublikanskim sieminary pa adnaŭleńni i vykarystańni mielijaravanych ziamiel, piša BiełTA.
11.11.2022 / 14:24
«Vioska stanovicca inšaj. Nie budzie hetych starych viosak, jakich u nas sotni tysiač było. Buduć ahraharadki. Zastanucca bujnyja vioski. Praz 10-15 hadoŭ pracy, a moža być, i raniej buduć tolki ahraharadki», — skazaŭ Łukašenka.
Taksama Łukašenka, jaki kiruje Biełaruśsiu 28 hadoŭ, zaklikaŭ stvarać u ahraharadkach umovy, kab ludzi chacieli tudy jechać žyć z haradoŭ.
Siarod zasłuh, jakija prypisvajuć Łukašenku, — heta toje, što jon padčas svajho kiravańnia nibyta padniaŭ siało. Nasamreč heta niapraŭda. Vioski ŭ niebahatych rajonach — heta razvalenyja haspadarki, zakrytyja kramy i pavalnaje pjanstva.