16-гадовы хлопец папрацаваў чатыры дні кур'ерам. І зарабіў на крымінальную справу
Схема досыць простая: забіраць у падманутых аферыстамі пенсіянераў грошы.
11.11.2022 / 09:28
Навучэнец каледжа атрымаў прапанову пра «падпрацоўку» кур'ерам у тэматычнай групе ў тэлеграме, паведамляе прэс-служба МУС.
Па заданні куратара ён забіраў у пажылых мінчан грошы, якія перадаваў пасрэдніку.
За чатыры дні хлопец наведаў 9 адрасоў, дзе забраў 75 тысяч даляраў, прычым адна з жанчын перадала яму 27 тысяч даляраў.
Распачатыя крымінальныя справы за махлярства.
Міліцыя нагадвае, што асобы, якія выконваюць ролі кур'ераў, нароўні з іншымі ўдзельнікамі злачынных схем адказваюць па законе, а таксама нясуць абавязак па кампенсацыі матэрыяльнай шкоды, нанесенай пацярпелым.