Suśvietnaja baksiorskaja rada vyklučyła biełaruskich i rasijskich spartśmienaŭ z rejtynhaŭ arhanizacyi
Maŭrysijo Sulejman, prezident Suśvietnaj baksiorskaj rady (WBC) — najbolš prestyžnaj mižnarodnaj arhanizacyi, jakaja hurtuje prafiesijnych baksioraŭ, — paviedamiŭ ab nieadkładnym vyklučeńni rasijskich i biełaruskich spartśmienaŭ z rejtynhaŭ arhanizacyi. U toj ža čas usie ŭkrainskija baksiory, u jakich niama mahčymaści vystupać, zastajucca na tych pazicyjach, na jakich jany znachodziacca ciapier, piša Tribuna.com.
08.11.2022 / 23:45
«Usich baksioraŭ z Rasii i Biełarusi prybrali z rejtynhaŭ WBC. Arhanizacyja nie budzie sankcyjanavać bai ŭ hetych dźviuch krainach. Nivodzin ź ich hramadzian nie zmoža bicca za tytuł čempijona WBC.
Chaču vykazać hłybokaje škadavańnie ŭ dačynieńni da našych spartśmienaŭ, pramoŭtaraŭ, pradstaŭnikoŭ baksiorskaj industryi z Rasii i Biełarusi, jakija pacierpiać ad takich nastupstvaŭ dziejańniaŭ pa-za rynham», — skazaŭ Sulejman.