Mižnarodnaja arhanizacyja pracy źbirajecca ŭvieści sankcyi suprać biełaruskaha režymu
Siońnia kiroŭnaja rada Mižnarodnaj arhanizacyi pracy (struktura AAN) pryniała rašeńnie prymianić svoj 33 parahraf u dačynieńni da režymu ŭ Biełarusi za sistematyčnyja parušeńni ŭ dačynieńni da pracoŭnych i prafsajuzaŭ, a taksama ihnaravańnie rekamiendacyj MAP, paviedamiŭ u fejsbuku daradca Śviatłany Cichanoŭskaj Francišak Viačorka. Pavodle jaho, takoje rašeńnie dahetul prymałasia tolki adnojčy ŭ historyi ŭ dačynieńni da Mjanmy.
08.11.2022 / 18:49
Ciapier da sakavika nastupnaha hoda MAP pavinien vypracavać sankcyjnyja zachady ŭ dačynieńni da režymu Łukašenki, a ŭ červieni ich pryniać na Kanfierencyi pracy. Dla hetaha 2/3 siabroŭ arhanizacyi pavinny buduć prahałasavać «za».
Praŭda, u situacyi, kali na biełaruski režym i tak nakładziena ŭžo šmat mocnych ekanamičnych sankcyj, ciažka skazać, jakija MAP zmoža dadać abmiežavańni, što mohuć stanovišča režymu jašče bolš pahoršyć. Tym bolš kali niama sumnievu, što Rasija da hetych sankcyj nie dałučycca.