Mastaka Alesia Puškina źbirajucca pieravodzić na turemny režym

Pavodle infarmacyi pravaabaroncaŭ, administracyja kałonii «Voŭčyja nory» inicyjavała ŭzmacnieńnie pakarańnia mastaku Alesiu Puškinu i pieravod jaho ŭ turmu. Sud pa zamienie režyma adbudziecca 11 listapada ŭ sudzie Ivacevickaha rajona.

08.11.2022 / 16:16

Rašeńnie budzie prymać suddzia Alaksandr Kiryłovič, jaki niadaŭna ŭzmacniŭ pakarańnie i palitviaźniu Ściapanu Łatypavu.

Nahadajem, Alesia zatrymali 30 sakavika 2021 hoda. Jaho abvinavacili pavodle art. 370 KK i č. 3 art. 130 KK. 25 sakavika Aleś Puškin parezaŭ sabie žyvot na znak pratestu. Za heta jaho na 13 sutak źmiaścili ŭ karcar. 30 sakavika 2022-ha Puškina asudzili na 5 hadoŭ źniavoleńnia ŭ kałonii strohaha režymu. Administracyja kałonii № 22 u žniŭni pakarała Puškina piaćciu miesiacami ŭ PKT. 

Padtrymajcie mastaka listami salidarnaści: PK №22, 225295, Bresckaja vobłaść, h. Ivacevičy, st. Damanava, a/s 20, Alaksandru Mikałajeviču Puškinu.

Nashaniva.com