Спіс «экстрэмістаў» МУС папоўніўся адразу 244-ма прозвішчамі
МУС 4 лістапада папоўніў «Пералік асобаў, датычных да экстрэміскай дзейнасці» — спіс абнавіўся адразу на 244 прозвішчы. Гэта беларусы і грамадзяне іншых дзяржаваў, якія пераследуюцца ці пераследаваліся па «палітычных» крымінальных артыкулах у Беларусі, паведамляе «Вясна».
04.11.2022 / 16:45
Падчас суда па «справе Ціханоўскага»
Сярод гэтых людзей цяпер — блогер, журналіст і футбаліст «Крумкачоў» Аляксандр Івулін, расіянка Вера Цвікевіч, чый фотаздымак быў на першай паласе беларускай «Камсамольскай праўды» ў жніўні 2020-га, экс-кіраўнік «Аховы птушак Бацькаўшчыны» Віктар Фенчук, жонка палітзняволенага Анатоля Латушкі — Алена Латушка, музыкі гурта «Irdorath» Надзея і Уладзімір Калач, былая кіраўніца арганізацыі «Радзіслава» Вольга Гарбунова, фігуранты «справы Ціханоўскага» Сяргей Ціханоўскі, Мікалай Статкевіч, Ігар Лосік, Уладзімір Цыгановіч, Арцём Сакаў, Дзмітрый Папоў, журналіст «Свабоды» Алег Груздзіловіч (які выйшаў па памілаванні, аднак у Спісе пазначана, што ён адбывае пакаранне).
Поўны спіс дададзеных да спісу людзей глядзіце тут.
Цяпер у Спісе «экстрэмістаў» — 1714 чалавек.