Češskija parłamientaryi pryznali ŭłady Rasii terarystyčnym režymam
12 z 14 parłamienckich deputataŭ, što zasiadajuć u Kamitecie pa zamiežnych spravach, prahałasavali za pryznańnie rasijskaha režymu terarystyčnym, pieradajuć České Noviny.
03.11.2022 / 23:05
«Kamitet pa zamiežnych spravach… vyznačaje terarystyčnym dziejny rasijski režym, zhodna z rezalucyjaj Parłamienckaj asamblei Savieta Jeŭropy», — skazana ŭ dakumiencie.
Parłamientaryi asudzili abstreły mirnych žycharoŭ, hramadzianskaj infrastruktury i pahrozy jadziernaj zbrojaj. U svajoj rezalucyi jany adznačyli, što Rasija admaŭlaje Ukrainie ŭ pravie być saboj i samastojna vyrašać svoj los, a rasijskija vojski ździejśnili va Ukrainie mnostva vajennych złačynstvaŭ i złačynstvaŭ suprać čałaviečnaści.
Raniej Litva, Łatvija, Estonija pryznali Rasiju «dziaržavaj-terarystam», a Polšča i Parłamienckaja asambleja Rady Jeŭropy — «terarystyčnym režymam».