Zialenski nie pajedzie na samit G20, kali tam budzie Pucin
Prezident Ukrainy Uładzimir Zialenski skazaŭ, što pytańnie jaho ŭdziełu ŭ samicie G20 u Indanezii budzie vyrašana praź niekalki dzion. Pra heta jon paviedamiŭ u Kijevie na pres-kanfierencyi paśla sustrečy z prezidentam Hrecyi Kaciarynie Sakiełarapułu, piša «Jeŭrapiejskaja praŭda».
03.11.2022 / 21:18
«Pazicyja maja asabista i pazicyja Ukrainy była ŭ tym, što kali lidar Rasijskaj Fiederacyi budzie ŭdzielničać u samicie, Ukraina nie budzie», — skazaŭ Zialenski.
«Pabačym, jak budzie ŭ budučyni. Siońnia ja razmaŭlaŭ z prezidentam Indanezii. My padtrymlivajem adnosiny. U lubym vypadku, my byli siońnia zaprošanyja. Pabačym. Niekalki dzion zastałosia», — dadaŭ Zialenski.
Samit «Vialikaj dvaccatki» adbudziecca ŭ Indanezii 15-16 listapada. Jak paviedamlałasia, raniej Zialenski zajaŭlaŭ, što ŭdzieł Ukrainy ŭ vosieńskim samicie G20 budzie zaležać ad situacyi ŭ krainie i ad składu ŭdzielnikaŭ samitu.
Uładzimir Pucin nie vyklučaje mahčymaści svajho vizitu na samit, ale jašče «dumaje».