Akupacyjnyja ŭłady Chiersonskaj vobłaści patłumačyli, čamu źnik rasijski ściah z budynka administracyi, ukraincy skieptyčnyja
Kałabaracyjnaja administracyja patłumačyła, što ŭ administracyjnym budynku ŭ Chiersonie nibyta «ad pačatku nie było nijakich rasijskich viedamstvaŭ».
03.11.2022 / 17:06
U akupacyjnaj administracyi adznačyli, što ŭ apošni čas budynak, dzie raniej raźmiaščałasia Chiersonskaja abładministracyja, byŭ zakansiervavany.
Ale heta nijak nie tłumačyć źniknieńnie ściaha i źniknieńnie vajskoŭcaŭ z błokpastoŭ.
Akramia taho, pavodle hetaha paviedamleńnia, akupacyjnaja administracyja pierabrałasia ŭ horad Hieničask, jaki znachodzicca na poŭdni Chiersonskaj vobłaści ŭ niepasrednaj blizkaści ad aneksavanaha ŭ 2014 hodzie Kryma. Raniej paviedamlałasia, što novaj rezidencyjaj padkantrolnych Rasii ŭładaŭ Chiersonščyny budzie horad Skadoŭsk.
U toj ža čas ukrainskija vajskoŭcy staviacca da hetych navin strymana. Źniaccie ściaha Rasii z budynka Chiersonskaj abłasnoj administracyi ŭ akupavanym Chiersonie moža być «prajavaj pravakacyi», zajaviła načalnica abjadnanaha kaardynacyjnaha pres-centra Sił abarony poŭdnia Ukrainy Natalla Humianiuk:
«Heta moža być pravakacyjaj dla taho, kab stvaryć uražańnie, što nasielenyja punkty pakinutyja, što ŭvachodžańnie ŭ ich biaśpiečnaje.
Uličvajučy, što jany daŭno rychtavalisia da vuličnych bajoŭ, toje, jak jany raźmiaščajuć svaje padraździaleńni, my addajem sabie spravazdaču ŭ zapłanavanaj taktycy dziejańniaŭ i nie śpiašajemsia radavacca. Treba razumieć, što hibrydnaja vajna praduhledžvaje i takija infarmacyjnyja ŭkidy, ataki, jakija mohuć być raźličanyja na asłableńnie vojskaŭ».