WhatsApp anansavaŭ vialikaje abnaŭleńnie
Kamanda papularnaha miesiendžara WhatsApp abviaściła ab pačatku raspaŭsiudžvańnia vialikaha abnaŭleńnia, jakoje pryniasie niekalki značnych navin dla karystalnikaŭ, uklučajučy Communities.
03.11.2022 / 14:54
Communities byli anansavanyja raspracoŭščykami WhatsApp jašče ŭ krasaviku 2022 hoda. I siońnia, 3 listapada, funkcyja pačała raspaŭsiudžvacca dla karystalnikaŭ pa ŭsim śviecie. Jana budzie pastupova raspaŭsiudžvacca i nie źjavicca adnačasova va ŭsich.
Jak abiacajuć raspracoŭščyki, «supolnaści» stanuć dastupnyja ŭsim karystalnikam WhatsApp «u bližejšyja niekalki miesiacaŭ».
Akramia taho, raspracoŭščyki ŭnieśli šerah palapšeńniaŭ u pracu samich hrup u WhatsApp, niezaležna ad taho, źjaŭlajucca jany častkaj supolnaści abo nie. Karystalnikam buduć dastupnyja apytańni ŭ čatach, videazvanki na 32 udzielniki i hrupy na 1024 čałavieki.