«Sumburnyja zajavy»: u MZS Armienii prakamientavali słovy Łukašenki
Zajavy Alaksandra Łukašenki ab pracesie narmalizacyi adnosin Armienii i Azierbajdžana, a taksama ab situacyi na miažy nie źjaŭlajucca sajuźnickimi.
02.11.2022 / 16:27
Pra heta ŭ aŭtorak zajaviŭ TASS pres-sakratar MZS Armienii Vaan Unanian.
«Nie ličym darečnym kamientavać sumburnyja, nieabhruntavanyja zajavy prezidenta Biełarusi, jakija nie majuć ničoha ahulnaha z łohikaj pieramovaŭ, a taksama nie źjaŭlajucca sajuźnickimi i partniorskimi, staviać pad sumnieŭ abaviazacielstvy dziaržavy-ŭdzielnika, padpisanyja im u ramkach ADKB», — skazaŭ jon.
Alaksandr Łukašenka na sustrečy z hienieralnym sakratarom ADKB Stanisłavam Zasiem vykazaŭ ździŭleńnie, čamu ŭ situacyju na armiana-azierbajdžanskaj miažy ŭciahvajuć Jeŭrasajuz i ABSIE, nazvaŭšy heta «peŭnaj hulnioj». Jon taksama dadaŭ, što nie bačyć nieabchodnaści adpraŭlać dadatkovych naziralnikaŭ na armiana-azierbajdžanskuju miažu.