Маці чатырох дзяцей далі паўтара года калоніі за ўдзел у маршы
У судзе Ленінскага раёна Мінска быў вынесены прысуд палітзняволенай Іне Пановай паводле арт. 342 КК (арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх). Вядома, што жанчына выхоўвае чацвярых дзяцей, паведамляе «Вясна».
01.11.2022 / 16:32
Падчас пасяджэння адвакат Іны настойваў, каб жанчына прызнала віну. Палітзняволеная прыняла пазіцыю абароны, але разам з тым аспрэчвала свой удзел у акцыі пратэсту. Пракурор расцаніў яе словы як непрызнанне віны.
Тое, што Іна была на маршы разам з дзіцём, абвінавачанне расцаніла як абцяжваючыя абставіны.