Žurfak BDU skarocić kolkaść śpiecyjalnaściaŭ
Fakultet žurnalistyki BDU ŭ novym navučalnym hodzie admovicca ad «mižnarodnaj žurnalistyki». Pavodle pres-słužby Minadukacyi, padrychtoŭka budzie vieścisia tolki pa dźviuch śpiecyjalnaściach: «žurnalistyka» i «infarmacyja i kamunikacyja».
01.11.2022 / 11:02
«Aptymizacyja źviazana z pryviadzieńniem u adpaviednaść z ahulnadziaržaŭnym kłasifikataram Biełarusi «Śpiecyjalnaści i kvalifikacyi», — tłumačać u Minadukacyi.
Studenty śpiecyjalnaści «žurnalistyka» zmohuć abrać profil padrychtoŭki:
— aŭtarskaja žurnalistyka i błohinh;
— ličbavyja miedyjapłatformy;
— žurnalistyka i infarmacyjnaja biaśpieka;
— dziełavaja žurnalistyka i biznes-kamunikacyi;
— navukovaja žurnalistyka.
Na śpiecyjalnaści «infarmacyja i kamunikacyja» prapanujuć takija kirunki:
— palityčnaja kamunikacyja;
— markietynhavyja kamunikacyi;
— rekłama i PR;
— internet-kamunikacyi.
Pieršyja dva hady studenty buduć vyvučać bazavyja dyscypliny, a z treciaha pojdzie padzieł na hrupy z ulikam vybranaha profilu.