Pryznali «ekstremisckim» Biełaruski rasśledavalnicki centr
Pa zajavie prakuratury horada Minska, infarmacyjnaja pradukcyja «Biełaruskaha rasśledavalnickaha centra» («Belarusian Investigative Center z.s.»), a taksama łahatypy, jakija źmiaščajuć abrevijaturu «BIC» i słovy «Belarusian Investigative Center», pryznanyja «ekstremisckimi materyjałami», paviedamlaje «Viasna».
31.10.2022 / 18:09
Biełaruski rasśledavalnicki centr — heta niezaležny pradakšn, jaki śpiecyjalizujecca na najbolš składanych žanrach žurnalistyki. BRC źjaŭlajecca čalcom Centra pa daśledavańni karupcyi i arhanizavanaj złačynnaści OCCRP. Žurnalisty BRC — łaŭreaty nacyjanalnaj premii «Volnaje słova» Biełaruskaj asacyjacyi žurnalistaŭ za rasśledavańni ŭ 2018, 2019, 2020 i 2021 hadach.
Na «Volnym słovie» u 2021 hodzie kamanda BRC atrymała pieršaje miesca ŭ katehoryi «Analityka».
Uklučeńnie łukašenkaŭskim režymam BRC u lik «ekstremisckich» arhanizacyj — całkam łahičnaje ź jahonaha punktu hledžańnia, pakolki rasśledvalniki Centra rehularna robiać i publikujuć rasśledavańni pra roznyja niepryhladnyja baki režymu, u tym liku pra finansavyja machinacyi jahonych klučavych asob, nie abychodziačy i niepasredna siamiejnikaŭ Łukašenki.