Авіакампанія Ryanair ладзіць распродаж квіткоў з Літвы і Польшчы. Куды можна паляцець
Авіакампанія Ryanair сёння праводзіць продаж танных квіткоў на рэйсы з 1 лістапада па 15 снежня. «Наша Ніва» паглядзела, куды можна паляцець.
31.10.2022 / 16:32
Фота: wikimedia.org
Танныя квіткі можна забраніраваць толькі сёння.
Напрыклад, паляцець з Вільні ў Дублін каштуе ад 16,99 еўра (у залежнасці ад дня вылету). На Мальту — ад 21,99 еўра.
З Каўнаса прапануюць квіткі ў Мадрыд, Пафас, Брысталь. Цэны стартуюць ад 19,99 еўра.
Нашмат больш рэйсаў па прыемнай цане ёсць з Польшчы.
З Кракава ў Капенгаген можна паляцець за 17 еўра, адтуль жа ў Прагу — за 20 еўра. З Гданьска да Дубліна — за 21 еўра.
З Варшавы, напрыклад, прапаноўваюць рэйс у Неапаль, квіток — 20 еўра.
Паглядзець усе напрамкі можна на сайце авіякампаніі.