Zialenski prakamientavaŭ vychad Rasii sa zbožžavaha pahadnieńnia
Prezident Ukrainy ŭ viečarovym zvarocie zakranuŭ zajavu Rasii, jakaja vykarystała ataku na karabli Čarnamorskaha fłotu dla vychadu z pahadnieńnia pa vyvazie zbožža. Pa słovach Zialenskaha, Rasija zabłakavała ruch sudnaŭ jašče ŭ vieraśni.
29.10.2022 / 21:59
«Siońnia prahučała davoli pradkazalnaja zajava z boku Rasii pra toje, što jany kančatkova zryvajuć ekspartnuju zbožžavuju inicyjatyvu. Ale nasamreč heta nie siońniašniaje ich rašeńnie.
Rasija pačała naŭmysna abvastrać charčovy kryzis jašče ŭ vieraśni, kali zabłakavała ruch sudnaŭ z našym zierniem. Ź vieraśnia pa siońnia ŭ zbožžavym kalidory ŭžo nakapilisia 176 sudoŭ, jakija nie mohuć prajści pa svaim maršrucie. Heta charčavańnie dla bolš jak siami miljonaŭ spažyŭcoŭ. Niekatoryja zierniavozy čakajuć bolš za try tydni. Ałžyr, Jehipiet, Jemien, Banhładeš, Vjetnam — hetyja i inšyja krainy mohuć paciarpieć ad čarhovaha abvastreńnia charčovaha kryzisu, jaki śviadoma pravakuje Rasija.
Čamu niejkaja žmieńka asobaŭ dzieści ŭ Kramli moža vyrašać, ci budzie ježa na stałach ludziej u Jehipcie ci ŭ Banhładeš? Ciapier nieabchodny mocny mižnarodny adkaz jak na ŭzroŭni AAN, tak i na inšych uzroŭniach, u tym liku na ŭzroŭni G20», — skazaŭ Zialenski.