Zatrymali mužčynu, jakoha abvinavačvajuć u stvareńni samvydata
Razmova pra sietku abłasnych vydańniaŭ «Vieśniki».
27.10.2022 / 18:50
Andrej Famin. Fota: sacsietki
Zatrymanaha kličuć Andrej Famin, jamu 28 hadoŭ. Viadoma pra jaho niašmat — jon rodam z Mahilova, ale žyŭ u Minsku. Skončyŭ Biełaruskuju dziaržaŭnuju akademiju mastactvaŭ. Pracavaŭ kapirajteram.
U videa jon kaža, što nibyta byŭ redaktaram i aŭtaram artykułaŭ dla sietki haziet «Vieśniki». Taksama za heta jon byccam by atrymaŭ hrošy — ale sumy, jakija jon nazyvaje, byli čysta simvaličnyja (za dva hady pracy ahułam 700 dalaraŭ). Mahčyma, tak jaho prymusili skazać siłaviki.
Zhodna ź infarmacyjaj ad aktyvistaŭ inicyjatyvy ByProsvet, jakaja zajmajecca raspaŭsiudam pratesnaha samvydata, Andrej nie mieŭ dostupaŭ da akaŭntaŭ hazietaŭ i nie viedaŭ tych, chto raspaŭsiudžvaje ich u Biełarusi. Akaŭnt «Vieśnikaŭ» taksama nie zachopleny.
Razdrukavanyja haziety. Fota: vestniki_by
«Vieśniki» — heta kolišniaja sietka abłasnych pratesnych haziet, stvoranaja ŭ vieraśni 2020 hoda. U sakaviku 2022-ha jana abjadnałasia ŭ hazietu «Biełaruski vieśnik». Drukujuć i raspaŭsiudžvajuć haziety aktyvisty dvaravych čataŭ i łakalnych inicyjatyvaŭ.