Zatrymali ajcišnika i jahonaha baćku-ślesara. Heta piataje zatrymańnie cełymi siemjami za tydzień
Zdajecca, zatrymlivać biełarusaŭ siemjami — heta novaja stratehija biełaruskich siłavikoŭ.
27.10.2022 / 17:34
Dźmitryj i Alaksandr Škredy
Dźmitryj Škred — 23-hadovy ajcišnik-fryłansier, zajmajecca veb-raspracoŭkaj. Jahonamu baćku Alaksandru 51 hod, jon pracuje ślesaram-ramontnikam na zavodzie «Atłant». Abodvuch abvinavačvajuć va ŭdziele ŭ pratestach i padpiskach na «ekstremisckija» telehram-kanały.
Tolki za hety tydzień na kanałach HUBAZiKa źjavilisia jašče čatyry videa z zatrymanymi ŭsioj siamjoj: siamja ŭładalnika «Aerabiełsiervisa» Šeścierava, siamja Haro, siamja Vołčakaŭ i siamja nieviadomych ludziej (20 kastryčnika).
Taksama za apošnija dva tydni vyniesienyja niekalki prysudaŭ siemjam. Tolki 13 kastryčnika sudzili čatyry siamji ŭ adzin dzień — bolšaść fihurantaŭ adpravili ŭ kałonii, niehladziačy na toje, što niekatoryja mieli pa niekalki dziaciej.