Vatykan anansavaŭ vypusk marki da 30-hoddzia dypłamatyčnych adnosin ź Biełaruśsiu
Numizmatyčna-fiłatelistyčy addzieł Vatykana anansavaŭ vypusk vaśmi novych marak, pryśviečanych roznym padziejam z žyćcia Kaścioła. Siarod ich — marka, pryśviečanaja 30-hoddzia ŭstalavańnia dypłamatyčnych adnosin ź Biełaruśsiu.
27.10.2022 / 17:15
U nižniaj častcy marki, pryśviečanaj hadavinie vatykanska-biełaruskich dypłamatyčnych adnosin, źmieščany nadpis na italjanskaj movie, nad im raskrytaja kniha, na staronkach jakoj znachodziacca vyjavy dziaržaŭnych hierbaŭ. Košt paštovaha znaka — 1,25 jeŭra.
U śviet marka maje vyjści 16 listapada 2022 hoda.
Dypłamatyčnyja adnosiny pamiž Śviatym Pasadam i Respublikaj Biełaruś byli ŭstanoŭlenyja 11 listapada 1992 hoda. Pieršyja dva hady Apostalskaja nuncyjatura dziejničała ŭ Vatykanie, i tolki 18 maja 1994 hoda jana była pieraniesienaja ŭ Minsk.