Hałoŭčanka: Vialikija abjomy biełaruskich hruzaŭ pojduć praz astrachanskija party
Premjer-ministr Biełarusi Raman Hałoŭčanka paśla sustrečy z hubiernataram rasijskaj Astrachanskaj vobłaści raskazaŭ, što biełaruskija hruzy pojduć na ekspart praz astrachanskija party i «heta vielmi vialikija abjomy».
26.10.2022 / 19:07
Raman Hałoŭčanka i Ihar Babuškin. Skrynšot ź videa
«Heta lesamateryjały, piłamateryjały, chimičnyja rečyvy, minieralnyja ŭhnajeńni, hruzavyja aŭtamabili i hetak dalej», — skazaŭ Hałoŭčanka.
Prapanavanyja astrachanskimi ŭładami ŭmovy pa pieravałcy i zachoŭvańni biełaruskich hruzaŭ premjer nazvaŭ pryvabnymi.
Taksama hubiernatar Astrachanskaj vobłaści Ihar Babuškin prapanavaŭ Hałoŭčanku pabudavać łahistyčny centr dla biełaruskich tavaraŭ u partovaj asobaj ekanamičnaj zonie ŭ hetaj vobłaści.
Tydzień tamu vice-premjer Sivak paviedamiŭ, što biełaruskija pradpryjemstvy naroščvajuć ekspart praz party Rasii i pa čyhuncy ŭ Kitaj. Vidać, hruzy pa Kaśpijskim mory taksama musiać pajści tudy.