Ірландыя выключыла Беларусь з праграмы кароткатэрміновага бязвізавага ўезду
Пра гэта гаворыцца ў прэс-рэлізе, апублікаваным 25 кастрычніка на ўрадавым сайце.
26.10.2022 / 09:41
Праграма кароткатэрміновага бязвізавага ўезду дазваляла грамадзянам шэрагу краін, якія ўехалі ў Вялікабрытанію па пэўных брытанскіх кароткатэрміновых візах, наведваць і Ірландыю.
Атрымліваць асобна ірландскую візу раней для гэтага не патрабавалася, а цяпер — давядзецца.
Такое рашэнне прыняў урад Ірландыі з прычыны агрэсіі Расіі ва Украіне.