Minčuk uziaŭ pazyku na 7 tysiač rubloŭ, a zastaŭsia vinny 140 tysiač
140 tysiač rubloŭ doŭhu pa mikrapazycy sprabavała spahnać firma z maci pamierłaha daŭžnika.
26.10.2022 / 08:21
Pra vypadak raspaviała načalnik adździeła prakuratury Minska pa nahladzie za adpaviednaściu zakonu sudovych pastanoŭ pa hramadzianskich spravach Vitalija Hrycal, pišuć «Minsk-naviny».
Niekatory čas tamu indyvidualny pradprymalnik daŭ pazyku 7 tysiač rubloŭ pad pracenty. Hrošy pazyčyŭ niepracujučy invalid 3-j hrupy. U roli zakładu była kvatera ŭ Minsku. Jaje acanili ŭ 60 tysiač rubloŭ.
— Kabalnyja ŭmovy faktyčna pazbavili pazyčalnika mahčymaści pahasić doŭh. Z ulikam pracentaŭ, pieni i štrafu z daŭžnika na karyść indyvidualnaha pradprymalnika pavinna było być spahnana zvyš 140 tysiač rubloŭ. Heta ŭ 20 razoŭ bolš za pieršapačatkovuju pazyku, — raskazała Hrycal.
Daŭžnik nieŭzabavie pamior. Abaviazacielstvy pa viartańni hrošaj pierajšli na jaho maci. Joj taksama vystavili pazoŭ ab zvarocie spahnańnia na zakładzienuju kvateru, u jakoj jana pražyvała.
— Prakuraturaj pa pakazanym fakcie pryniatyja miery reahavańnia. U ciapierašni čas ździełki, jakija adbylisia, asprečanyja ŭ sudzie, — dadała Hrycal.