ISW: Šajhu sprabavaŭ zapałochać krainy NATA, kab jany mienš dapamahali Ukrainie
Amierykanski Instytut vyvučeńnia vajny ŭ svajoj spravazdačy piša, što ministr abarony Rasii Siarhiej Šajhu, vierahodna, sprabavaŭ zapavolić abo prypynić zachodniuju vajskovuju dapamohu Ukrainie i asłabić NATA, zapałochvajučy ministraŭ abarony krain Aljansu paviedamleńniami pra ŭdar «brudnaj» jadziernaj bombaj.
24.10.2022 / 08:32
Nahadajem, što Šajhu patelefanavaŭ jak minimum traim ministram abarony dziaržaŭ NATA i raskazaŭ pra tak zvanuju ŭkrainskuju «brudnuju bombu». Jaje nibyta ŭzarvuć, kab abvinavacić Rasiju ŭ vykarystańni zbroi masavaha paražeńnia i nastroić uvieś śviet suprać Maskvy.
Pradstaŭniki ZŠA, Vialikabrytanii i Ukrainy kateharyčna admaŭlali i asudzili abvinavačańni Šajhu, a ministr abarony ZŠA Ościn patelefanavaŭ svajmu brytanskamu kalehu paśla razmovy z rasijskim.
ISW miarkuje, što zajavy Šajhu naŭrad ci pradkazvajuć jadzierny terakt pa Ukrainie. Jany źjaŭlajucca praciaham praciahłaj chłuślivaj rasijskaj infarmacyjnaj kampanii.
Prezident Ukrainy Uładzimir Zialenski adreahavaŭ na telefonnyja zvanki Siarhieja Šajhu. Jon ličyć, što śviet pavinien maksimalna žorstka adreahavać: «Kali Rasija padrychtavała čarhovaje ŭźniaćcie stavak i čarhovy eskałacyjny krok — jana ŭžo ciapier, previentyŭna i da luboha novaha svajho «brudu», pavinna ŭbačyć, što śviet heta nie prahłynie».