Zaŭtra adbuducca sudziliščy nad žurnalistam Alaksandram Lubienčukom i vałancioram Illom Mironavym
U Minsku buduć sudzić Alaksandra Lubienčuka, a ŭ Homieli — Ilju Mironava.
23.10.2022 / 20:34
Sud nad palitźniavolenym žurnalistam Alaksandram Lubienčukom pačniecca 24 kastryčnika. Pra heta paviedamlaje @belsat.
Pasiadžeńnie budzie adkrytym i adbudziecca ŭ Minskim haradskim sudzie. Pačatak a 10:30.
Alaksandra zatrymali va ŭłasnym domie ŭ vioscy Kryvičy 26 maja hetaha hoda. Jaho abvinavacili ŭ «stvareńni ekstremisckaha farmavańnia ci ŭdziele ŭ im».
U svaju čarhu, Valancina Mironava, mama palitźniavolenaha žychara Homiela Ilji Mironava paviedamiła ŭ siabie ŭ sacyjalnych sietkach, što zaŭtra pačnuć sudzić i jaho.
«Siabry! Sud nad Illom adbudziecca zaŭtra a 10:00 ŭ sudzie Savieckaha rajona Homiela. Jon budzie rady vas bačyć».
Ilja Mironaŭ — heta toj čałaviek, jaki napisaŭ 2500 listoŭ palitźniavolenym. Jaho samoha łukašysty aryštavali za vykazvańnie z nahoda zabojstva ajcišnika Andreja Zielcera.