U Maryupali źbirajucca źniščyć murał «Miłana» z ukrainskaj dziaŭčynkaj
Akupacyjnyja rasijskija ŭłady Maryupala chočuć źniščyć viadomy murał, na jakim namalavanaja dziaŭčynka, paciarpiełaja ad rasijskich abstrełaŭ horada ŭ 2015 hodzie. Aficyjnaj padstavaj akupanty nazvali «adnaŭleńnie ciepłavoha konturu», piša telehram-kanał Maryupalskaj haradskoj rady.
21.10.2022 / 22:15
Hety murał staŭ va Ukrainie simvałam trahiedyi vajny i nadziei na mir i adnaŭleńnie. Dziaŭčyncy Miłanie było šeść hadoŭ, kali maryupalski mikrarajon «Uschodni», u jakim jana žyła razam z mamaj, nakryła abstrełami.
Mama Miłany zahinuła, a dziaŭčyncy miedyki vymušanyja byli amputavać nahu. Jana pieražyła niekalki apieracyj i nanoŭ vučyłasia chadzić.