Na «Hrodna Azocie» spynili dva cechi i zapalili fakieł
Uviečary 21 kastryčnika stała viadoma, što na pradpryjemstvie «Hrodna Azot» spynili pracu dvuch cechaŭ: amijak-3 i karbamid-3. Na pradpryjemstvie paviedamili, što prymajucca miery pa adnaŭleńni vytvorčaści, a taksama adsočvajecca jakaść pavietra.
21.10.2022 / 22:08
Fota: azot.by
Prypynieńnie cecha amijak-3 tłumačać technałahičnymi pryčynami, a cecha karbamid-3 — aptymizacyjaj bałansu vytvorčaha pracesu.
«Pry praviadzieńni prypynačnych i puskavych apieracyj u cechu amijak-3 z metaj utylizacyi haručych rečyvaŭ, jakija ŭvachodziać u skład technałahičnaha hazu, rehłamientam praduhledžana jaho spalvańnie na fakielnaj ustanoŭcy», — havorycca ŭ paviedamleńni.
Pry hetym, jak śćviardžajecca, pravodzicca kantrol jakaści atmaśfiernaha pavietra na terytoryi i pa pierymietry pradpryjemstva, a taksama na miažy sanitarna-achoŭnaj zonie (SZZ) z ulikam napramku vietru. Pahrozy horadu, ekałohii, žycharam i rabotnikam pradpryjemstva nibyta niama.