Ukraina ŭviała sankcyi suprać biełaruskich abaronnych pradpryjemstvaŭ
Ukazam Uładzimira Zialenskaha Kijeŭ uvioŭ sankcyi suprać amal 1400 jurydyčnych asob, bolšaść ź jakich rasijskija. Ale jość u śpisie i biełaruskija pradpryjemstvy, piša Office Life.
20.10.2022 / 19:06
Administracyjny budynak «Biełśpiecźnieštechniki». Fota: bk-telecom.by
Pad sankcyi trapili nie tolki zamiežnyja «dočki» rasijskich kampanij i bankaŭ, ale i Dziaržaŭny vajenna-pramysłovy kamitet Biełarusi, navukova-vytvorčaje «DKB TSP» i TAA «Abaronnyja inicyjatyvy», a taksama dziaržaŭnaje źniešniehandlovaje pradpryjemstva «Biełśpiecźnieštechnika».
Siarod rasijskich kampanij pad abmiežavańni patrapili Alfa-Bank, «Rastelekam», KamAZ i mnohija inšyja.
Siarod inšych u sankcyjnym śpisie Ukrainy jość i kampanii z Charvatyi.
Dakumientam praduhledžana 17 abmiežavalnych zachadaŭ u dačynieńni da jurydyčnych asob, jakija trapili ŭ pieralik, u tym liku błakavańnie aktyvaŭ i poŭnaje spynieńnie handlovych apieracyj.