ДПК: Супрацоўніца мытнай службы Латвіі парушыла беларускую мяжу
Памежны камітэт паведаміў, што ўчора раніцай на беларуска-латвійскай мяжы камеры відэаназірання зафіксавалі факт парушэння мяжы.
20.10.2022 / 15:40
У пункце пропуску Урбаны (латвійскі — Сілене) супрацоўніца мытнай службы Латвіі пры выкананні службовых абавязкаў незаконна перасекла мяжу, прайшоўшы на тэрыторыю Беларусі. Праз некаторы час яна вярнулася назад.
Па гэтым інцыдэнце пачата аднабаковае расследаванне, паведамляе ДПК.