Жыхар Мінска застаўся і без грошай, і без квадрацыкла
У міліцыю звярнуўся мінчук, які расказаў сваю сумную гісторыю.
19.10.2022 / 15:42
Ён знайшоў у інтэрнэце аб’яву па продажы квадрацыкла. Мужчыну спадабаліся кошт і прабег. Стэлефанаваўшыся з прадаўцом, ён вырашыў набыць транспартны сродак.
Аднак для разліку за квадрацыкл пакупніку неабходна было перавесці грошы на карту прадаўца. Малады чалавек перавёў на яе 6900 рублёў.
Аднак ніякі тавар ён не атрымаў, а прадавец перастаў выходзіць на сувязь.
Следчымі заведзена крымінальная справа за махлярства.