«Chacieŭ pieraškodzić ruchu ciahniku z technikaj rasijskich vojskaŭ». «Rejkavaha partyzana» sa Stoŭbcaŭ asudzili da 11 hadoŭ kałonii
U Minskim rajonnym sudzie vynieśli prysud pa kryminalnaj spravy suprać palitźniavolenaha «rejkavaha partyzana» Siarhieja Hlebki — 11 hadoŭ kałonii va ŭmovach uzmocnienaha režymu i štraf u 300 bazavych vieličyniaŭ (9600 rubloŭ), paviedamlaje «Viasna».
19.10.2022 / 12:51
Siarhiej Hlebka. Fota z sacsietak
Jon byŭ zatrymany ŭ noč z 1 na 2 sakavika ŭ Stoŭbcach razam z žonkaj za padpał biarvieńnia, kab pieraškodzić ruchu ciahnikoŭ z technikaj i bojeprypasami rasijskich vojskaŭ. Paśla zatrymańnia Siarhieja źbivali — heta bačna na «pakajalnych videa».
Palitviaźnia abvinavacili pavodle č. 1 art. 289 (akt teraryzmu) i č. 4 art. 309 (naŭmysnaje pryviadzieńnie čyhunačnych šlachoŭ znosin u nieprydatny dla ekspłuatacyi stan u metach učynieńnia aktu teraryzmu) Kryminalnaha kodeksa.
Jak śćviardžaje abvinavačvańnie, dziejańni Hlebki «stvaryli realnuju pahrozu nadychodu ciažkich nastupstvaŭ u vyhladzie avaryi, paškodžańni ruchomaha składu, hibieli albo traŭmiravańnia ludziej».
Spravu dva miesiacy ŭ adkrytym režymie razhladaŭ suddzia Anton Kołabaŭ.