Ihar Hirkin pacvierdziŭ, što znachodzicca va Ukrainie
«Z 14.10.2022 h. u dziejučaj armii», — łakanična napisaŭ kolišni arhanizatar sieparatyzmu na Danbasie, vajenny złačynca Ihar Hirkin (psieŭdanim Strałkoŭ) na svaich staronkach u VK i telehramie.
18.10.2022 / 21:31
Raniej pra toje, što Hirkin-Strałkoŭ znachodzicca va Ukrainie, paviedamiŭ načalnik Hałoŭnaha ŭpraŭleńnia raźviedki Minabarony Ukrainy Kirył Budanaŭ. Ukrainskaja vajennaja vyviedka paabiacała ŭznaharodu 100 tysiač dalaraŭ za pieradaču Hirkina va ŭkrainski pałon. Taksama srodki na hetyja mety źbirała i ŭkrainskaja hramadskaść.
U 2014 hodzie Hirkin kamandavaŭ vojskami DNR i zajmaŭ pasadu ministra abarony samaabvieščanaj respubliki. Strałkoŭ-Hirkin — adzin z čatyroch abvinavačanych pa spravie ab źbitym małajzijskim «Boinhu» nad Danbasam.