Były rasijski futbalist adsudziŭ u fejsbuka bolš za miljon dalaraŭ za cenzuravańnie proźvišča
Były futbalist zbornaj Rasii Dźmitryj Chachłoŭ adsudziŭ u fejsbuka 65 miljonaŭ rasijskich rubloŭ (krychu bolš za miljon dalaraŭ) za toje, što sacsietka cenzuravała jahonaje proźvišča, prymajučy jaho za abrazu pa nacyjanalnaj prykmiecie.
18.10.2022 / 17:59
Sudovaja ciahanina ciahnułasia amal hod.
«Ni ja, ni maje siabry i znajomyja nie možam narmalna vykarystoŭvać Facebook i Instagram. Mnie šmat ludziej patelefanavali i skazali, što pry lubym zhadvańni błakujecca proźvišča. A jany traplajuć u ban na tydzień», — skardziŭsia futbalist.
Chachłoŭ patrabavaŭ u sacsietki 150 młn rubloŭ, ale rasijski Soncaŭski sud źniziŭ acenku maralnaj škody. Ciapier, aprača vypłaty kampiensacyi Facebook budzie abaviazany na praciahu miesiaca razbłakavać usie zhadki pra Chachłova ŭ sacsietcy.
46-hadovy były paŭabaronca Dźmitryj Chachłoŭ hulaŭ za rasijskuju futbolnuju zbornuju ŭ 1996-2005 hadach.