Z 10 kastryčnika Rasija źniščyła 30% ukrainskich elektrastancyj
30% enierhasistemy Ukrainy razburana paśla rasijskich udaraŭ, jakija praciahvajucca z 10 kastryčnika. Pra heta napisaŭ Uładzimir Zialenski.
18.10.2022 / 13:19
«Jašče adzin vid rasijskich terarystyčnych atak: paražeńnie enierhietyčnaj i krytyčnaj infrastruktury. Z 10 kastryčnika 30 pracentaŭ elektrastancyj źniščanyja, što vyklikała maštabnyja adklučeńni śviatła pa ŭsioj krainie. Prastory dla pierahavoraŭ z pucinskim režymam nie zastałosia», — napisaŭ jon u tvitary.
10 kastryčnika rasijskaja armija ŭpieršyniu pačała maštabna i metanakiravana bić pa abjektach ukrainskaj infrastruktury — u jakaści pomsty za padryŭ Krymskaha mosta (Ukraina svajo dačynieńnie da hetaha admaŭlaje).
Namieśnik kiraŭnika Ofisa Zialenskaha Kirył Cimašenka zaklikaŭ ukraincaŭ rychtavacca da mahčymaha časovaha adklučeńnia elektraenierhii, voda i ciepłazabieśpiačeńnia.